Makroiqtisadi göstəricilər
Dövlət Statistika Komitəsi makroiqtisadi göstəriciləri açıqlayıb.
Hesabata görə, 2021-ci ilin yanvar-fevral aylarında kənd təsərrüfatının ümumi məhsulu 2020-ci ilin eyni dövrü ilə müqayisədə 2,3 faiz, o cümlədən heyvandarlıq məhsullarının istehsalı 2,1 faiz, bitkiçilik məhsullarının istehsalı 6,2 faiz artıb.
Qeyd olunur ki, nəqliyyat sektorunda yük daşınması 2020-ci ilin yanvar-fevral aylarına nəzərən 11,1 faiz, sərnişin daşınması 47,7 faiz azalıb.
İnformasiya və rabitə xidmətlərinin həcmində azalma 4,5 faiz, əmtəə dövriyyəsində azalma 1,3 faiz, əhaliyə göstərilmiş ödənişli xidmətlərdən əldə olunan gəlirdə azalma 16,1 faiz göstərilir.
Əhalinin gəlirlərinin nominal ifadədə 4,2 faiz azaldığı vurğulanır.
Hesabata əsasən, yanvar-fevral aylarında dövlət büdcəsinə 4 milyard 29,4 milyon manat vəsait gəlib, büdcədən 3 milyard 469,8 milyon manat vəsait xərclənib, fevralın 1-nə ölkənin bank və digər kredit təşkilatlarının kredit portfeli milli valyuta ekvivalentində 14 milyard 587,2 milyon manat, əhalinin banklardakı əmanətlərinin milli valyuta ekvivalentində məbləği 8 milyard 202,9 milyon manat olub.
Sənayedə 4 faiz, sərmayədə 32 faiz azalma var
