Hesablama Palatasına təyinatlar
Nəsir Sadıqov Hesablama Palatası sədrinin müavini, Cavid Bayramov, Hilal Hüseynov və Vəfa Mütəllimova palatanın auditorları təyin olunublar. Qərar parlamentin 16 mart iclasında verilib.
Hesablama Palatası Milli Məclisin yaratdığı, kənar dövlət maliyyə nəzarətini həyata keçirən ali audit orqanıdır. Qurumun icmal büdcənin, o cümlədən dövlət büdcəsinin və büdcədənkənar dövlət fondlarının (təsisatlarının) büdcələrinin layihələrinə və icrasına rəy vermək səlahiyyətləri də var.
Palata sədr, sədr müavini və 5 auditordan ibarətdir. Üzvlərin səlahiyyət müddəti 7 ildir, onlar Milli Məclis sədrinin təqdimatı əsasında təyin olunurlar.
2013-cü ildən quruma Vüqar Gülməmmədov sədrlik edir.
