Şikayət statistikasından
Azərbaycan Demokratiya və Rifah Hərəkatının sədri, iqtisadçı Qubad İbadoğlu Nazirlər Kabinetinin hesabatına nəzər salıb. Novator.az-ın məlumatına görə, o yazır ki, 2020-ci ildə Baş Prokuror yanında Korrupsiyaya Qarşı Mübarizə Baş İdarəsi vətəndaşların 9,2 min müraciətinə baxıb: “Həmin müraciətlər əsasən yerli icra hakimiyyəti orqanları, sosial müdafiə, təhsil, səhiyyə, bələdiyyə, özəl sektor sahələrini əhatə edib. Korrupsiyaya Qarşı Mübarizə Baş İdarəsinin qaynar xəttinə daxil olan müraciətlərin sahələr üzrə bölgüsü belədir:
daxili işlər orqanları – 779 müraciət
yerli icra hakimiyyəti – 656
sosial müdafiə – 654
səhiyyə – 564
bələdiyyələr – 280
təhsil – 136
ədliyyə orqanları – 134
özəl sahə – 121
“Azərişıq” ASC-nin fəaliyyəti – 115
meliorasiya və su təsərrüfatı – 96
“Azəriqaz” İstehsalat Birliyinin fəaliyyəti – 88
səfərbərlik – 48
ekologiya və təbii sərvətlər – 40
müdafiə – 33
“Azərsu” ASC-nin fəaliyyəti – 29
bank sektoru – 28
kənd təsərrüfatı – 28
digər – 832.
Əhali ən çox daxili işlər, yerli icra hakimiyyəti, sosial müdafiə, səhiyyə və bələdiyyə orqanlarından şikayətlidir. Bu sahələrin hamısı islahat potensialı yüksək olan dövlət və qeyri-dövlət orqanlarıdır”.
