Hava
Milli Hidrometeorologiya Xidmətinin məlumatına görə, fevralın 24-ü Azərbaycana qar yağıb (bəzi yerlərə intensiv), güclü şimal-qərb küləyi əsib.
Düşən yağıntının miqdarı Astarada 23, Bakıda 18, Lənkəranda 15, Qubada 8, Lerikdə 7, Qəbələdə 6, Oğuz, Şabran və Xaçmazda 4, Qusarda 3, Ağsuda 2, Sumqayıt, Zaqatala, Şəki, Mingəçevir, Yevlax, Hacıqabul, Biləsuvar, Yardımlıda 1 millimetrədək olub.
Qarın qalınlığı Quba və Daşkəsəndə 18, Lerikdə 16, Gədəbəydə 12, Göygöldə 10, Qusarda 8, Ağsuda 7, Oğuz və Qəbələdə 3, Astarada 2, Göyçay, Yardımlı, Xaçmaz və Şəkidə 1 santimetr göstərilir.
Bakıda və Abşeron yarımadasında 4,4-4,9 dərəcə, Aran rayonlarında 0-3 dərəcə, dağlıq rayonlarda 3-5 dərəcə, yüksək dağlıq ərazilərdə 8-12 dərəcə, Naxçıvan Muxtar Respublikasında 3-8 dərəcə şaxta qeydə alınıb.
Gün ərzində fasilələrlə qar yağacağı, bəzi rayonlarda intensiv olacağı, fevralın 25-i səhərdən yağıntıların tədricən kəsiləcəyi bildirilir.
