Fevralın 22-də Kanada parlamenti “Çində dini azlıqlar” adlı sənəd qəbul edib. 338 nəfərlik qanunverici orqanda 266 səslə keçən sənəddə uyğurlara qarşı basqılar soyqırımı kimi tanınır, hökumət Çinə qarşı sanksiyalara çağırılır.
Novator.az-ın məlumatına görə, Kanada parlamentinin qərarına münasibət bildirən Müsavat başqanı Arif Hacılı yazır ki, sayı on milyonlarla olan uyğurlar ən çoxsaylı türk xalqlarının birinci beşliyinə daxildir: “Eyni millətik. Onların da əsas mübarizə şüarı bizdə olduğu kimi “Azadlıq” dır.
Əslində uyğurlara qarşı soyqırımını tanıyan ilk dövlətlər Azərbaycan və Türkiyə olmalı idi. Amma indi də gec deyil. Nümunə var. Azərbaycan Milli Məclisi durmadan Çinin uyğurlara qarşı soyqırımı siyasətini müzakirəyə çıxarmalıdır!”
