Xaricə gedənlər 15,6 dəfə azalıb
Turizmin vəziyyəti haqqında hesabat yayılıb. Novator.az-ın məlumatına görə, hesabatda bildirilir ki, 2021-ci ilin yanvarında Azərbaycana 105 ölkədən 36,1 min nəfər, əvvəlki ilin ilk ayı ilə müqayisədə 6,3 dəfə az əcnəbi gəlib: “Gələnlərin 34,1 faizi Rusiya, 28,4 faizi Türkiyə, 13,1 faizi İran, 11,7 faizi Gürcüstan, 2,1 faizi Ukrayna, 1,5 faizi Böyük Britaniya, 1 faizi Belarus vətəndaşları, qalanları digər ölkələrin vətəndaşlarıdır.
2020-ci ilin yanvar ayına nəzərən xarici ölkələrə gedən Azərbaycan vətəndaşlarının sayı 15,6 dəfə azalaraq 27,8 min nəfər olub. Ölkə vətəndaşlarının 48,1 faizi Türkiyəyə, 14,8 faizi Rusiyaya, 10,4 faizi Gürcüstana, 8,7 faizi İrana, 18 faizi digər ölkələrə səfər edib”.
