Kənddə maaş: rəsmi tövsiyə yeniləndi
Nazirlər Kabineti kənd təsərrüfatı müəssisələrində işçilərin əməkhaqqının normativlərinə dair tövsiyələri yeniləyib. Novator.az bildirir ki, dəyişikliyə görə, işçinin razılığı olduğu halda əməkhaqqının 20 faizə qədəri müəssisədə istehsal edilən istehlak malları, məişətdə işlədilən gündəlik tələbat malları ilə əvəzlənib verilə bilər.
Maaşın əvəzlənməsi zamanı alkoqollu içkilər, 18 yaşına çatmamış işçilərə energetik içkilər, habelə tütün məmulatları, narkotik vasitələr, psixotrop maddələr və mülki dövriyyədə olmasına yol verilməyən (mülki dövriyyəsi məhdudlaşdırılmış) digər əşyalar verilməsi yasaqdır.
