İş elanı
Müdafiə Nazirliyi işğaldan azad olunmuş ərazilərdəki hərbi hissələrin tibb məntəqələrində və hospitallarda müxtəlif tibbi ixtisaslar üzrə hərbi və mülki vəzifələrdə həqiqi hərbi xidmətə və işə qəbul elan edib.
Rəsmi məlumata görə, müddətli həqiqi hərbi xidməti başa vurmuş, tibbi təhsili olan, fiziki cəhətdən sağlam, 35 yaşadək kişilər və tibbi təhsili olan, fiziki cəhətdən sağlam, 35 yaşadək qadınlar, həmçinin Silahlı Qüvvələr tərkibində hərbi həkim və ya feldşer vəzifələrində xidmət keçmiş və ehtiyata buraxılmış 40 yaşadək zabit və gizirlər Müdafiə Nazirliyinin Tibb Baş İdarəsinə və ya yaşayış yerlərinin yaxınlığında yerləşən hərbi hissələrə müraciət edə bilərlər.
Bazar və bayram günləri istisna olmaqla hər gün saat 9-dan 17-dək müraciət etmək mümkündür.
Əlavə məlumat üçün telefonlar: (012) 406-87-41 və (051) 567-47-00.
