Deportasiya və məhdudiyyət qərarları
Dövlət Miqrasiya Xidməti 2021-ci ilin yanvarında əcnəbilər və vətəndaşlığı olmayan şəxslərdən olduğu yer üzrə qeydiyyat üçün 4125 müraciət alıb.
Müvəqqəti və daimi yaşamaq üçün icazələrlə bağlı müraciətlərin sayı 2865 göstərilir, qeyd olunur ki, 1338 müraciətdə şəxsin Azərbaycan vətəndaşlığına mənsubiyyətinin müəyyənləşdirilməsi yer alıb.
Qanunvericiliyin tələblərinin pozulmasına görə 372 qərar çıxarıldığı vurğulanır: “121 qərar cərimə ödəməklə ölkə ərazisini tərk etməyi, 123 qərar ölkə ərazisində yaşamanı qanuniləşdirməyi nəzərdə tutub. 7 qərar ölkədən inzibati qaydada çıxarılmaqla cərimə tətbiqini, 97 qərar ölkəyə girişə məhdudiyyəti rəsmiləşdirib.
Müvəqqəti və daimi yaşamaq üçün icazə sənədinin itirilməsi ilə bağlı 23, əcnəbilərin və vətəndaşlığı olmayan şəxslərin işə cəlb edilməsi qaydasının pozulması ilə bağlı 1 qərar çıxarılıb”.
