Xarici ticarət: dövriyyə nə qədər azalıb?
2020-ci ildə Azərbaycanın hüquqi və fiziki şəxsləri 183 ölkədəki tərəfdaşları ilə ticarət əməliyyatları həyata keçirib, 111 ölkəyə məhsul ixrac olunub, 174 ölkədən məhsul alınıb. Novator.az-ın məlumatına görə, hesabatı yayan Dövlət Statistika Komitəsi bildirir ki, ticarət dövriyyəsinin 55,7 faizi ixracın, 44,3 faizi idxalın payına düşüb, 2 milyard 739,7 milyon dollar məbləğində müsbət saldo yaranıb, 2019-cu illə müqayisədə dövriyyə faktiki qiymətlərlə 26,8 faiz, real ifadədə 21,9 faiz, o cümlədən idxal 36 faiz, ixrac 12 faiz azalıb.
2020-ci ildə qeyri neft-qaz məhsullarının ixracının əvvəlki illə müqayisədə faktiki qiymətlərlə 5,3 faiz, real ifadədə 16 faiz azalaraq 1 milyard 851,3 milyon dollar həddində rəsmiləşdiyi vurğulanır.
