ABŞ-da qanunsuz yolla hazırlanmış milyonlarla tibbi maska aşkarlanıb.

Novator.az saytı “Nyu-York Tayms” qəzetinə istinadla bildirir ki, həmin maskaların müxtəlif xəstəxanalara, tibb müəssisələrinə və azı beş ştatda dövlət qurumlarına satıldığı bəlli olub.

Məsələ ilə bağlı hüquq mühafizə orqanları istintaqa başlayıb.

Maskalar üzərində “Made in U.S.A” yazılmış qutularda daşınb. Bu, maskaların ABŞ istehsalı olduğu görüntüsünü yaradır. Amma istintaqın ilkin versiyasına görə, maskalar xaricdən gətirilib. Hələlik hansı ölkədən söhbət getdiyi bilinmir.

Keyfiyyətinə gəlincə, maskaların tibbi standartlara uyğun olub-olmadığı, insanı xüsusilə koronavirus infeksiyasından başqa maskalar qədər qoruyub-qorumadığı da hələ dəqiqləşməyib.

Amma maskaların standart maska kimi göründüyü, qanuni yolla istehsal edilmiş tibbi maskaları taxan adamlar özlərini necə hiss edirlərsə, necə nəfəs alırlarsa, qanunsuz maskalardan istifadə edənlərin də özlərini elə hiss edib, elə nəfəs aldığı bildirilir.

Mənbə: Nytimes.com