Sənayedə azalma və artım
2021-ci ilin yanvar ayında sənaye müəssisələri və fərdi sahibkarlar 3,6 milyard manatlıq, 2020-ci ilin ilk ayı ilə müqayisədə 3,4 faiz az məhsul istehsal edib. Novator.az-ın məlumatına görə, Dövlət Statistika Komitəsi bildirir ki, azalma neft-qaz sektorunda məhsul istehsalının 5,4 faiz düşməsinin nəticəsidir, sənayenin qeyri neft-qaz sektorunda məhsul istehsalı 12,8 faiz artıb.
Hesabata əsasən, sənaye məhsulunun 64,9 faizi mədən sektorunun payına düşüb, neft hasilatında 4 faiz azalma, qaz hasilatında 7,9 faiz artım qeydə alınıb.
