“Cəbrayılın azad olunmasına görə” medalı alanlar
Dekabrın 24-də sərəncam imzalayan prezident İlham Əliyev bir qrup hərbi qulluqçunu “Cəbrayılın azad olunmasına görə” medalı ilə təltif edib. Onların arasında general-leytenantlar Mehdiyev İlham İsmayıl oğlu, Mirzəyev Hikmət İzzət oğlu, Nağıyev Əfqan Vəli oğlu, Vəliyev Kərim Tofiq oğlu, general-mayorlar Bağırov Ramin Sabir oğlu, Bərxudarov Mayis Şükür oğlu, Kərimov Anar Təvəkkül oğlu, Məhərrəmov Aqşin Ramiz oğlu, Rzayev Mübariz Balağa oğlu, Seyidov Kənan Əlihüseyn oğlu, Sultanov Ağamir Əzizxan oğlu, Tağıyev Rəsul Afiq oğlu da var.
Qəhrəman adı alan, təltif edilən hərbçilər
Ermənistan 1988-1994-cü illərin təcavüzündə Azərbaycanın bütün cənub-qərbini işğal edib.
2020-ci il sentyabrın 27-dən Azərbaycan Ordusunun apardığı əməliyyatlarda Cəbrayıl, Füzuli, Zəngilan, Qubadlı, Şuşa şəhərləri, bu rayonların, eləcə də Xocavənd, Xocalı, Laçın rayonlarının, keçmiş Ağdərə rayonunun bir çox kənd və qəsəbəsi azad olunub.
Noyabrın 10-da hərbi əməliyyatlar dayandırılıb. Ermənistan noyabrın 20-də Ağdam rayonunu, noyabrın 25-də Kəlbəcər rayonunu, dekabrın 1-də Laçın rayonunu Azərbaycana qaytarıb.
Xankəndi, Xocalı, Ağdərə, Xocavənd şəhərləri, Şuşa, Xocalı, Xocavənd rayonlarının və keçmiş Ağdərə rayonunun böyük hissəsi işğalda qalır.
Laçın şəhəri və rayonun bir neçə kəndi bölgədə atəşkəsi qorumağa məsul olan Rusiya Ordusu bölmələrinin nəzarətindədir.
Rəsmi hesabata görə, müharibədə Silahlı Qüvvələrin 2802 hərbi qulluqçusu şəhid olub.
