2021-ci ilin bayram günləri
Azərbaycanın Əmək Məcəlləsi şənbə-bazarın iş günü olmayan bayramla üst-üstə düşməsinə görə əlavə istirahət günləri nəzərdə tutur. 2021-ci ilin əlavə istirahət günləri beşgünlük iş həftəsində belə müəyyənləşib: 4 yanvar, 25-26 mart, 10 may, 28 iyun.
Novator.az bildirir ki, Yeni il bayramı 2021-in üç günündə qeyd edilir: 1-2 yanvar rəsmi bayram günləri, 4 yanvar əlavə istirahət günüdür.
Qadınlar Günü martın 8-i qeyd olunur.
Novruz bayramı 20-26 martı əhatələyir: 20-24 mart rəsmi bayram günləri, 25-26 mart əlavə istirahət günləridir.
Qələbə Günü 9-10 mayda bayram olunur: 9 may rəsmi bayram günü, 10 may əlavə istirahət günüdür.
Ramazan bayramı 13-14 maya düşür.
Respublika Günü mayın 28-i qeyd edilir.
15 iyun Milli Qurtuluş Günüdür.
Silahlı Qüvvələr Günü 26 və 28 iyunda bayram olunur: 26 iyun rəsmi bayram günü, 28 iyun əlavə istirahət günüdür.
Qurban bayramı 20-21 iyula təsadüf edir.
8 noyabr Zəfər Günü, 9 noyabr Dövlət Bayrağı Günüdür.
Dekabrın 31-də Dünya Azərbaycanlılarının Həmrəyliyi Günü bayram olunur.
Şənbə-bazarları da nəzərə alanda 2021-ci ildə beşgünlük iş həftəsində 123 istirahət günü var.
20 yanvar – Ümumxalq Hüzn Günü də qeyri-iş günüdür.
Ölkənin üç dövlət bayramı iş günü sayılır: Dövlət Müstəqilliyi Günü – 18 oktyabr, Konstitusiya Günü – 12 noyabr, Milli Dirçəliş Günü – 17 noyabr.
