Turizmdə geriləmələr
Turizm üzrə 11 aylıq hesabat yayılıb. Dövlət Statistika Komitəsi Dövlət Sərhəd Xidmətinə istinadla bildirir ki, 2020-ci ilin yanvar-noyabr aylarında Azərbaycana 155 ölkədən 756,8 min, əvvəlki ilin eyni dövrü ilə müqayisədə 3,9 dəfə az əcnəbi gəlib: “Gələnlərin 28,2 faizi Rusiya, 23,7 faizi Gürcüstan, 19,5 faizi Türkiyə, 8,9 faizi İran, 2,1 faizi Ukrayna, 1,7 faizi Hindistan, 1,6 faizi Səudiyyə Ərəbistanı, qalanları digər ölkələrin vətəndaşları və vətəndaşlığı olmayan şəxslərdir.
2019-cu ilin yanvar-noyabr aylarına nəzərən xarici ölkələrə gedən Azərbaycan vətəndaşlarının sayı 4,5 dəfə azalaraq 1 milyon 135 min nəfər olub. Onların 29,7 faizi İrana, 26,8 faizi Gürcüstana, 18,9 faizi Rusiyaya, 15,7 faizi Türkiyəyə, 8,9 faizi digər ölkələrə səfər edib”.
Turizm sektorunda tənəzzül koronavirus pandemiyası üzündən tətbiq olunan məhdudiyyətlərin nəticəsidir.
