Orta maaş: harada nə qədər alırlar?
2020-ci il dekabrın 1-nə Azərbaycanda iqtisadi fəal əhalinin sayı 5 milyon 251,6 min nəfər olub, onların 4 milyon 886,2 min nəfəri məşğul əhali kateqoriyasına aid edilib. Dövlət Statistika Komitəsinin hesabatına görə, noyabrın 1-nə muzdla çalışanların 33,9 min nəfəri neft-qaz sektorunda, 1 milyon 651,4 min nəfəri qeyri neft-qaz sektorunda fəaliyyət göstərib.
Muzdla çalışan işçilərin orta aylıq nominal əməkhaqqı noyabrın 1-nə 704,5 manat həddində rəsmiləşib. Novator.az bildirir ki, iqtisadi fəaliyyət növləri orta maaş göstəriciləri belədir:
mədən sənayesi – 3296,2 manat;
maliyyə və sığorta fəaliyyəti – 1736,4 manat;
peşə fəaliyyəti, elmi və texniki fəaliyyət – 1180 manat;
informasiya və rabitə – 1071,4 manat;
dövlət idarəetməsi və müdafiə; sosial təminat – 927,7 manat;
nəqliyyat və anbar təsərrüfatı – 878,1 manat;
tikinti – 790 manat;
elektrik enerjisi, qaz və buxar istehsalı, bölüşdürülməsi və təchizatı – 697,7 manat;
emal sənayesi – 645,7 manat;
daşınmaz əmlakla əlaqədar əməliyyatlar – 609,1 manat;
su təchizatı, tullantıların təmizlənməsi və emalı – 560,7 manat;
turistlərin yerləşdirilməsi və ictimai iaşə – 536,5 manat;
ticarət; nəqliyyat vasitələrinin təmiri – 522,9 manat;
istirahət, əyləncə və incəsənət sahəsində fəaliyyət – 522,4 manat;
təhsil – 512 manat;
əhaliyə səhiyyə xidməti və sosial xidmətlərin göstərilməsi – 509,5 manat;
kənd təsərrüfatı, meşə təsərrüfatı və balıqçılıq – 428,4 manat;
inzibati və yardımçı xidmətlərin göstərilməsi – 419,2 manat;
digər sahələrdə xidmətlərin göstərilməsi – 667,5 manat.
