2020-ci il noyabrın 1-nə Azərbaycan əhalisinin sayı 10 milyon 121 min 809 nəfər olub. Novator.az-ın məlumatına görə, hesabatı yayan Dövlət Statistika Komitəsi bildirir ki, yanvar-oktyabr aylarında 106 min 569 doğulan körpə qeydə alınıb: onların 53,3 faizi oğlan, 46,7 faizi qızdır.

Qeyd olunur ki, 10 ayda 52769 ölüm halı, 29580 nikah, 12347 boşanma, daimi yaşamaq üçün 1396 nəfər gələn, 495 nəfər gedən rəsmiləşib.

Statistikaya əsasən, 2019-cu ilin yanvar-oktyabr ayları ilə müqayisədə doğum 8,9 faiz, nikahlar 44,4 faiz, boşanma 11,8 faiz azalıb, ölüm halları 12,5 faiz artıb. Əhalinin təbii artımı (doğulanlar və ölənlərin nisbəti) üzrə 34,4 faiz geriləmə var.