Koronavirus infeksiyasına yoluxmamağın, həm də bu infeksiyanı yaymamağın yollarından biri ictimai yerlərdə maska taxmaqdır.
Novator.az saytının məlumatına görə, ABŞ-ın “Pyu” Araşdırma Mərkəzinin (Pew Research Center) keçirdiyi sorğu göstərib ki, maskanın əhəmiyyətini dərk edən insanların sayı getdikcə artır.
Sorğunun nəticələrinə görə, ABŞ-da yetkin şəxslərin 72 faizi insanların açıq yerlərdə maska taxmamasından narahat olur.
Sorğuda iştirak edənlərin 87 faizi ötən ay mağazalarda və xidmət müəssisələrində həmişə, yaxud əksər halda maskadan və ya üz örtüyündən istifadə etdiyini bildirib.
2019-cu ilin dekabrında Çində üzə çıxaraq 220 ölkə, ərazi və məkana yayılan koronavirus infeksiyasına indiyədək dünyada 67 milyon 500 mindən çox insan yoluxub. 1 milyon 544 minə yaxın adam bu infeksiyanın qurbanına çevrilib.
Mənbə: CNN.com
