Ateistin abidəsini peyğəmbərin heykəli əvəz etdi
Ukraynada bütün sovet işğalçılarının adlarını və abidələrini götürmək üçün aparılan kampaniyaya Osipenko kəndinin sakinləri orijinal üsulda dəstək veriblər.
Osipenko Ukraynanın Zaporojye vilayətində yerləşən kəndlərdən biridir.
Novator.az saytı Zaporojye şəhərinin 061.ua saytına istinadla xəbər verir ki, sovet dövründən Osipenko kəndində bolşevik lideri Leninin heykəli olub. Heykəl 2014-cü ildə götürülüb. İndi kənd əhalisi həmin heykəlin postamentinin üstünə yeni heykəl qoyublar – İsa peyğəmbərin heykəlini.
Osipenkolular gələcəkdə kənddə kilsə olacağını da deyirlər.
İsa Məsihin heykəli kənd sakinlərinin topladığı 25 min qrivna həcmində ianə hesabına başa gəlib.
Beləliklə, Osipenko kəndində ateist Leninin ayaqüstü abidəsini xristian peyğəmbərinin abidəsi əvəz edib. İsa peyğəmbər də heykəldə ayaq üstə dayanıb.
Mənbə: 061.ua
