Novator.az Avropanın aparıcı milli futbol çempionatlarının gedişinə nəzər salıb.

İngiltərə çempionatında “Tottenhem” və “Liverpul” 20 xalla liderliyi bölüşürlər. “Çelsi” və “Lester”in 18 xalı, “Sauthempton” və “Everton”un 16 xalı var.

İspaniya çempionatına 23 xalla “Real Sosyedad” başçılıq edir. “Atletiko” 20 xal, “Vilyarreal” 19 xal, “Real” 17 xal, “Kadis” və “Qranada” 14 xal yığıb.

İtaliya çempionatında “Milan” 20 xalla irəli çıxıb. Lideri 18 xalla “Sassuolo”, 17 xalla “Roma”, 16 xalla “Yuventus”, 15 xalla “İnter” izləyir.

Almaniya çempionatında “Bavariya” 19 xalla öndədir. “Borussiya” (Dortmund) və “Bayer” 18 xal, “Leypsiq” 17 xal götürüb.

Fransa çempionatında PSJ ilk pillədədir: 24 xal. “Lill” 22 xal, “Lion”, “Monpelye” və “Monako” 20 xal əldə edib.

Mənbə: Football.kulichki.net