Gülalıyev “Yeni klinika”da
Hüquq müdafiəçisi Oqtay Gülalıyev noyabrın 17-də Bakıdakı “Yeni klinika”ya yerləşdirilib. Bu barədə məlumat yayan oğlu Təbriz Gülalıyev atasının koronavirus testinin pozitiv çıxdığını bəyan edib.
Məlumatı Tibbi Ərazi Bölmələrini İdarəetmə Birliyinin (TƏBİB) mətbuat xidməti də təsdiqləyib.
Oqtay Gülalıyevi 2019-cu il oktyabrın 29-u Bakıda minik avtomobili vurub. Həmin gün o, Kliniki Tibbi Mərkəzdə ilkin yardım alıb, koma vəziyyətində, ağır kəllə-beyin travması diaqnozu ilə “City Hospital”a köçürülüb. Oktyabrın 30-u orada əməliyyat olunan hüquq müdafiəçisi noyabrın 1-də Respublika Neyrocərrahiyyə Xəstəxanasının reanimasiya şöbəsinə yerləşdirilib.
Hüquq müdafiəçisi noyabrın 6-da Heydər Əliyev Fondunun dəstəyi ilə Türkiyəyə aparılaraq İstanbulun Avrasiya Hospitalına yerləşdirilib, noyabrın 19-u həmin şəhərdəki Amerika Xəstəxanasına köçürülüb, noyabrın 20-də, 2020-ci il yanvarın 10-da və iyunun 24-də başından əməliyyat olunub.
Noyabrın 8-də hüquq müdafiəçisi Bakıya gətirilib. Ev şəraitində müalicə olunan xəstənin səhhətində geriləmə yarandığı üçün xəstəxanaya köçürülməsi zərurəti yaranıb.
Oqtay Gülalıyevin avtomobillə vurulması üzrə cinayət işi Nəsimi Rayon Polis İdarəsində istintaq olunub. Rəsmi məlumata görə, hüquq müdafiəçisi 28 May və Puşkin küçələrinin kəsişməsində piyada keçidi ilə yolu keçərkən taksi sürücüsü Kənan Abdullayevin idarə etdiyi “Hyundai Accent” markalı avtomobillə vurulub. Barəsində başqa yerə getməmək haqqında iltizam qətimkan tədbiri seçilən Kənan Abdullayev Nəsimi Rayon Məhkəməsində mühakimə olunur. O, yol hərəkəti qaydalarının pozulması – ehtiyatsızlıqdan zərər çəkmiş şəxsin sağlamlığına ağır zərər vurmaqda təqsirli bilinir.
Oqtay Gülalıyevin vəziyyəti necədir?
Oqtay Gülalıyevin işi: maddədə nə deyilir?
Oqtay Gülalıyev reanimasiya şöbəsindədir
Oqtay Gülalıyevin vəziyyəti ilə bağlı açıqlamalar
Oqtay Gülalıyevin vəziyyəti: professor açıqlama verib
Heydər Əliyev Fondu Oqtayın müalicəsini öz üzərinə götürdü
Oqtay Gülalıyev İstanbula aparıldı
Oqtay süni nəfəs aparatından çıxarılıb
Oqtay Gülalıyevin ağciyərində infeksiya aşkarlanıb
Oqtay Gülalıyevlə bağlı bəyanat qəbul olunub
Oqtay Gülalıyev başqa xəstəxanaya köçürüldü
Oqtay Gülalıyev palataya köçürülüb
Heydər Əliyev Fondundan Oqtay Gülalıyev açıqlaması
Komada olan hüquq müdafiəçisi gözünü açıb
Oqtayın vurulması: yeni rəsmi açıqlama yayılıb
“Nərgiz” mükafatına Oqtay Gülalıyev layiq görüldü
Mehman Əliyev Oqtay Gülalıyevə baş çəkib
Oqtay Gülalıyev dördüncü dəfə başından əməliyyat olunub
