Doğum 9,2 faiz azalıb
Azərbaycan əhalisinin sayı 2020-ci ilin əvvəlindən 0,5 faiz artaraq oktyabrın 1-nə 10 milyon 116 min 292 nəfərə çatıb. Novator.az-ın məlumatına görə, hesabatı yayan Dövlət Statistika Komitəsi bildirir ki, Ədliyyə Nazirliyinin qeydiyyat şöbələri yanvar-sentyabr ayları ərzində 95399 doğulan körpə qeydə alıb: onların 53,3 faizi oğlan, 46,7 faizi qız uşaqlarıdır.
Doqquz ayda 46995 ölüm halı, 26312 nikah, 11089 boşanma, daimi yaşamaq üçün 1241 nəfər gələn, 461 nəfər gedən rəsmiləşib.
Statistikaya əsasən, 2019-cu ilin yanvar-sentyabr ayları ilə müqayisədə doğum 9,2 faiz, nikahlar 44,4 faiz, boşanma 11,8 faiz azalıb, ölüm halları 10,5 faiz artıb. Əhalinin təbii artımı (doğulanlar və ölənlərin nisbəti) üzrə 32,6 faiz geriləmə var.
