“The Moscow Times”: Rusiyalılar öz vaksinlərinə inanmırlar
Rusiya vətəndaşları koronavirusa qarşı yerli vaksinə yaydakından daha az inanırlar. Hökumət Rusiya vaksininə ümid vəd etsə də, “Levada” mərkəzinin avqust-oktyabr aylarında keçirdiyi sorğu peyvənd etmək istəməyən Rusiya vətəndaşlarının sayının 54%-dən 59%-ə qalxdığını göstərib.
Rusiyanın koronavirus əleyhinə vaksininə inamsızlıq daha çox Moskva sakinləri arasındadır. Sorğuya görə, Moskvada peyvənd etdirmək istəyənlər avqust ayında 40% idisə, oktyabrda bu nəticə 31%-ə enib.
Novator.az-ın məlumatına görə, “Levada”nın keçirdiyi son sorğuda ali təhsili respondentlərin yalnız 29%-i Rusiya vaksinindən istifadəyə tərəfdar çıxıb. Avqustda bu nəticə 36% idi.
“Levada” mərkəzinin sosioloqu Denis Volkova görə, nəticələr onu göstərir ki, Rusiya rəsmiləri böyük klinik sınaqlar keçirilmədən, effektivliyi və təhlükəsizliyi dəqiqləşmədən tələsik hazırlanmış vaksinə vətəndaşların inamını qazana bilməyiblər.
Ötən həftələrdən artıq COVİD-19 vaksinləri minlərlə konüllu üzərində test edilməyə başlanıb.
Denis Volkov “Open Media”ya açıqlamasında deyib: “İnsanlar Rusiyanın digər ölkələri yönləndirməsini istəyirlər, amma biz o qədər öndə ola bilmərik”.
Sosioloq vurğulayıb ki, insanların vaksinə münasibətini dəyişmək üçün vaksinin, onun hazırlanması üsulunun özündə vacib dəyişikliklər edilməlidir: “Bu isə hələ baş verməyib”.
“Levada”nın sorğusuna görə, avqustda rusiyalıların 38%-i pulsuz, könüllü peyvənddən istifadə etmək istəyirdi. Oktyabrda bu göstərici 36%-ə enib. Deməli, hələ də rusiyalıların yarıdan çoxu koronavirusa qarşı peyvənd vurdurmaq istəmir və vaksinin Rusiyada, ya başqa yerdə istehsal olunmasının buna aidiyyəti yoxdur.
Karantin rejiminin hökm sürdüyü Rusiyada ötən ay COVİD-19-a rekord sayda yoluxma və virusdan ölüm halları olub. Amma yerli vaksinə şübhələr yenə çoxdur.
Senytabr ayının əvvəlində yoluxanların sayı gündə 5 min nəfər idisə, indi 18 minə çatıb. Bu müddət ərzində ölumlərin sayı günə orta hesabla 100 nəfərdən 300 nəfərə çatıb.
“Open Media”nın qeyd etdiyinə görə, “Levada” sorğunu oktyabrın 22-28-də 1601 nəfər arasında keçirib.
Sergey Kiselyov
Mənbə: “The Moscow Times”
