Milli Hidrometeorologiya Xidmətinin proqnozuna görə, noyabr ayında Azərbaycanda havanın orta aylıq temperaturunun iqlim normasına yaxın, bəzi yerlərdə bir qədər çox olacağı gözlənir. Aylıq yağıntının miqdarı üzrə də eyni proqnoz var.

Orta aylıq temperatur proqnozu belədir:

Bakı və Abşeron yarımadası – 11-13 dərəcə isti;

Naxçıvan Muxtar Respublikası – 7-10 dərəcə isti;

Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən, Gədəbəy – 4-7 dərəcə isti;

Qazax, Gəncə, Goranboy, Tərtər, Ağdam, Füzuli, Cəbrayıl – 9-12 dərəcə isti;

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar – 6-10 dərəcə isti;

Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala – 9-13 dərəcə isti;

Masallı, Yardımlı, Lerik, Lənkəran, Astara – 8-13 dərəcə isti.