ABŞ-ın Kaliforniya Universitetinin alimləri bədən hərarəti ilə bağlı yeni araşdırmanın nəticələrini açıqlayıb. Novator.az-ın məlumatına görə, mütəxəssislər dünya üzrə insanın bədən temperaturunun getdikcə aşağı düşdüyünü müəyyən ediblər. Enmənin səbəbi bəlli deyil.

Alman həkim Karl Vunderlixin təxminən 200 il əvvəlki araşdırması insan bədəninin normal hərarətinin 37 dərəcə olduğunu ortaya qoyub. İndi sağlam insanın orta bədən hərarəti 36,6 dərəcə sayılır. 2019-cu ilin müşahidələri normal bədən temperaturunun 36,4 dərəcə olduğunu göstərib.

Bəzi alimlər temperaturda enişi tibbin inkişafı, xroniki xəstəliklərin azalması ilə bağlayır. Amma 5500-ə yaxın adamın üzərində aparılan yeni tədqiqat göstərib ki, hətta tam sağlam insanlarda da bədən hərarəti aşağı düşür. Nədən? Vahid qənaət yoxdur.

Səidə Hüseynova