Azərbaycan təmsilçisi “Qarabağ” UEFA Avropa Liqasının qrup raundunda ikinci oyununu keçirib. Novator.az-ın məlumatına görə, İ qrupunda yarışan ağdamlılar oktyabrın 29-u Türkiyənin İstanbul şəhərində İspaniyanın “Vilyarreal” klubuna 1:3 hesabı ilə uduzub.

Türkiyənin “Sivasspor” komandası İsrail “Makkabi”sini (Tel-Əviv) qəbul edib. Həmin oyunda qonaqlar üstün gəlib – 2:1.

İki turdan sonra ispanlar və israillilər 6 xal yığıb, sivaslılar və ağdamlılar xalsızdır.

Qalan oyunların təqvimi belədir:

5 noyabr

“Sivasspor” – “Qarabağ”

“Vilyarreal” – “Makkabi”

26 noyabr

“Qarabağ” – “Sivasspor”

“Makkabi” – “Vilyarreal”

3 dekabr

“Qarabağ” – “Makkabi”

“Sivasspor” – “Vilyarreal”

10 dekabr

“Vilyarreal” – “Qarabağ”

“Makkabi” – “Sivasspor”.

Növbəti mərhələyə çıxmaq üçün qrupda azı ikinci yeri tutmaq gərəkdir.

Azərbaycanda UEFA bayrağı altında oyunlar keçirilməsi müvəqqəti yasaqlandığı üçün “Qarabağ” ev oyunlarını neytral meydanda keçirməli olur.