714 yoluxma, 7 ölüm
Nazirlər Kabineti yanında operativ qərargahın 21 oktyabr məlumatına görə, Azərbaycanda koronavirus infeksiyasına 714 yeni yoluxma qeydə alınıb, 7 xəstə vəfat edib.
Yoluxanların ümumi sayı 46593 nəfər göstərilir: onların 642-si dünyasını dəyişib, 5503-ü müalicə alır, qalanları sağalıb.
2019-cu ilin dekabrında Çində üzə çıxaraq dünyanı bürüyən koronavirus xəstəliyinə Azərbaycanda ilk yoluxma bu il fevralın 28-də qeydə alınıb, martda 5, apreldə 19, mayda 39, iyun 150, iyulda 235, avqustda 86, sentyabrda 57, oktyabrda 51 nəfər xəstəliyin qurbanı olub.
