Avropanın aparıcı milli futbol çempionatları davam edir. Novator.az-ın məlumatına görə, Almaniya çempionatında “Leypsiq” 10 xalla öndə gedir. “Bavariya” və “Borussiya” (Dortmund) 9 xal, “Ayntraxt” (Frankfurt) 8 xal yığıb.

Fransa çempionatında “Lill” liderdir: 17 xal. PSJ ilə “Renn”in 15 xalı, “Nitsa” və “Lans”ın 13 xalı var.

İngiltərə çempionatında “Everton” 13 xalla birinci pillədədir. “Aston Villa” 12 xal, “Liverpul” 10 xal, “Lester” və “Arsenal” 9 xal əldə edib.

İspaniya çempionatına 11 xalla “Real Sosyedad” və “Vilyarreal” başçılıq edirlər. “Real”, “Xetafe”, “Kadis” və “Qranada” 10 xal toplayıb.

İtaliya çempionatında “Milan” 12 xalla önə çıxıb. Lideri “Sassuolo” (10 xal), “Atalanta” (9 xal), “Napoli” və “Yuventus” (8 xal) izləyir.