Şimali Kipr Türk Respublikasında prezident seçkisi ikinci tura qalıb. Novator.az-ın məlumatına görə, oktyabrın 11-də keçirilmiş ilk tura qatılan 11 namizədin heç biri 50 faiz səs həddini aşmayıb. 32,3 faiz səslə önə çıxan baş nazir Ersin Tatar və 29,8 faiz səs yığan prezident Mustafa Akıncı oktyabrın 18-də təyin olunan ikinci turda mübarizə aparacaqlar.

1983-cü il noyabrın 15-də qurulan Şimali Kipr Türk Respublikasını yalnız Türkiyə müstəqil dövlət kimi tanıyır.