İki oyun, bir hesab
UEFA Millətlər Liqasının qrup mərhələsində üçüncü tur start götürüb. Novator.az-ın məlumatına görə, C divizionunun 1-ci qrupunda yarışan Azərbaycan milli komandası oktyabrın 10-u səfərdə Monteneqro yığmasına 2 cavabsız topla uduzub.
Lüksemburq – Kipr oyununda da eyni hesab qeydə alınıb – 2:0.
Üç turdan sonra qrupa 9 xalla Monteneqro başçılıq edir. Lüksemburqun 6, Azərbaycanın 3 xalı var, Kipr xalsızdır.
Qalan oyunların təqvimi belədir:
13 oktyabr
Azərbaycan – Kipr
Monteneqro – Lüksemburq
14 noyabr
Azərbaycan – Monteneqro
Kipr – Lüksemburq
17 noyabr
Lüksemburq – Azərbaycan
Monteneqro – Kipr.
A divizionunda qrupların qalibləri 2021-ci ilin yayına təyin olunan final mərhələsində iştirak edəcək. B, C, D divizionları qruplarının qalibləri yuxarı diviziona adlamaq hüququ qazanacaq. A, B divizionu qruplarının sonuncuları və C divizionunun ən zəif iki komandası aşağı diviziona yuvarlanacaq.
