Tofiq Yaqublu sudan da imtina edə bilər
Vəkil Aqil Layıc sentyabrın 16-sı Bakıdakı “City Hospital” xəstəxanasında məhbus siyasətçi Tofiq Yaqubluya baş çəkib. Novator.az-ın məlumatına görə, Aqil Layıc özünün “Facebook” səhifəsində yazır ki, aclığı davam etdirən Tofiq Yaqublunun səhhəti pisdir: “Fikirlərini ifadə etməyə fiziki çətinlik çəkir, gözləri zəifləyib, əllərini güclə yumub-açır. Qidadan və qida tərkibli sistemlərdən imtina edir. Dedi ki, ədalətsizliyə son qoyulmasa, sudan da imtina edəcək.
Tofiq bəy ehtiyaclarını Penitensiar Xidmətin əməkdaşlarının köməyi ilə həyata keçirir. Onların davranışından çox razıdır. Həmçinin qeyd etdi ki, həkim Adil Qeybulla uşaq kimi onun qayğısına qalır”.
Siyasətçinin qızı Nigar Həzi isə sentyabrın 16-da atası ilə telefonla danışıb. O bildirir ki, bu gün atasından qan analizi götürülüb, nəticəsi çox pis çıxıb: “Təcili qan köçürülməsi zərurəti yaranıb. İndi Mərkəzi Qan Bankından qan alınması prosesi gedir. Atamın həyatı üçün ciddi təhlükə var, hər an komaya düşə bilər. Mənə dedi ki, hakimiyyət tez bir zamanda qərar verib ya məni azadlığıma qovuşdurmalıdır, ya da sudan imtina edib ölümün tez gəlməsini gözləyəcəm”.
2020-ci il martın 22-də tutulan Tofiq Yaqublu silah qismində istifadə olunan əşyalardan istifadə etməklə xuliqanlıqda günahlandırılır. İttihama əsasən, o, həmin gün öz avtomobili ilə Bakının Nizami rayonunda qaydaları pozub, Elxan Cəbrayılovun idarə etdiyi avtomobillə toqquşmadan sonra mübahisə zəminində ona və yoldaşı Cəvahir Cəbrayılovaya xəsarət yetirib.
Siyasətçi ittihamı qəbul etmir, bildirir ki, Elxan Cəbrayılov qəsdən qəza törədib, sonra dava salıb. Onun sözlərinə görə, hadisənin təxribat olduğunu anladığı üçün maşınının qapısını kilidləyib, şüşəni qaldırıb və polis gəlməyənə kimi yerə düşməyib, heç kimi vurmayıb.
İbtidai istintaqı Nizami Rayon Polis İdarəsi aparıb.
Sentyabrın 3-də Nizami Rayon Məhkəməsində Tofiq Yaqubluya 4 il 3 ay müddətinə azadlıqdan məhrumetmə cəzası kəsilib. Hökmdən apellyasiya şikayəti verilib. Bakı Apellyasiya Məhkəməsinə ünvanlanan şikayətdə Tofiq Yaqubluya bəraət istənir, azadlığa buraxılması tələb edilir.
Tofiq Yaqublu sentyabrın 2-də Bakının Şüvəlan qəsəbəsindəki 3 saylı İstintaq Təcridxanasında bəraət və azadlıq tələbi ilə aclıq aksiyasına başlayıb, vəziyyəti ağırlaşdığı üçün sentyabrın 12-də “City Hospital”a köçürülüb. Onun müalicəsini tibb elmləri doktoru Adil Qeybulla aparır.
1961-ci il təvəllüdlü Tofiq Yaqublu milli azadlıq hərəkatının (1988-1991) fəalı, Qarabağ müharibəsi veteranıdır. Əbülfəz Elçibəyin prezidentliyi dövründə (1992-1993) Binəqədi Rayon İcra Hakimiyyəti başçısının birinci müavini vəzifəsində çalışıb. 1992-ci ildən Müsavat Partiyasının üzvüdür. 2010-2018-ci illərdə partiya başqanının müavini postunu tutub.
Demokratik Qüvvələrin Milli Şurasının rəhbərliyində təmsil olunur.
Tofiq Yaqublu yenə həbsə gedir
Tofiq Yaqublunun məhkəməsi qapalı keçiriləcək
Ev dustaqlığına da yox deyildi
Tofiq Yaqublu nədən narazıdır?
Məhkəmənin Tofiq qərarı dəyişməz qaldı
Həbsin uzadılması: şikayət təmin olunmadı
Tofiq Yaqublu məhkəməni səbirsizliklə gözləyir
Tofiqin mühakiməsi “yox”larla başladı
Tofiq Yaqublu: “Mən əsir götürülmüş şəxsəm”
“Yalan danışıb qapını bağlayırsan, sonra da deyirsən…”
Tofiqin əsgər oğlunun problemi var
Üç vəsatətdən biri təmin olundu
Hökm ərəfəsində: Tofiq aclığa başladı
Tofiq Yaqublu: “Sona qədər gedəcəm”
Professor Tofiqin təhlükədə olduğunu yazır
Tofiq Yaqublunun halı pisləşib, ancaq aksiyanı dayandırmır
Sabir Rüstəmxanlı Tofiq Yaqublu ilə bağlı açıqlama yayıb
Adil Qeybulla Tofiq Yaqubluya baş çəkməsindən danışdı
Tofiq Yaqublu xəstəxanaya köçürülüb
“Azad olmaq Tofiq bəyin haqqıdır”
Tofiq Yaqublu palataya köçürülüb
Aclığın 14-cü günü: vəziyyət gərgindir
