Harada nə qədər alırlar?
Novator.az orta maaş göstəricilərinə nəzər salıb. Dövlət Statistika Komitəsinin rəsmi hesabatına görə, 2020-ci il avqustun 1-nə Azərbaycan iqtisadiyyatında muzdla çalışan işçilərin orta aylıq nominal әmәkhaqqı 715,4 manat olub. Neft-qaz sektorunda orta maaş 3509,6 manat, qeyri neft-qaz sektorunda 654,8 manat, dövlәt müәssisәlәrindә 628 manat, özәl müәssisәlәrdә 827,5 manat göstərilir.
Yanvarın 1-nə orta maaş 634,8 manat həddində rəsmiləşib. Fevralın 1-nə orta əməkhaqqı 712,1 manata, martın 1-nə 712,3 manata, aprelin 1-nə 744,5 manata yüksəlib.
Mayın 1-nə göstərici 736,2 manata, iyunun 1-nə 728,9 manata, iyulun 1-nə 720 manata düşüb.
Avqustun 1-nə iqtisadi fəaliyyət növləri üzrə ən yüksək orta maaş mədən sənayesində qeydə alınıb – 3454,5 manat.
Qalan sahələrdə rəsmi orta maaş göstəriciləri belədir:
Maliyyə və sığorta fəaliyyəti – 1819,2 manat;
peşə fəaliyyəti, elmi və texniki fəaliyyət – 1213,2 manat;
informasiya və rabitə – 1072 manat;
dövlət idarəetməsi və müdafiə; sosial təminat – 934,3 manat;
nəqliyyat və anbar təsərrüfatı – 889,1 manat;
tikinti – 796 manat;
elektrik enerjisi, qaz və buxar istehsalı, bölüşdürülməsi və təchizatı – 699,9 manat;
emal sənayesi – 652,3 manat;
daşınmaz əmlakla əlaqədar əməliyyatlar – 624 manat;
su təchizatı, tullantıların təmizlənməsi və emalı – 563,7 manat;
turistlərin yerləşdirilməsi və ictimai iaşə – 545,3 manat;
ticarət; nəqliyyat vasitələrinin təmiri – 532,7 manat;
istirahət, əyləncə və incəsənət sahəsində fəaliyyət – 532,2 manat;
təhsil – 518,4 manat;
əhaliyə səhiyyə xidməti və sosial xidmətlərin göstərilməsi – 496,3 manat;
kənd təsərrüfatı, meşə təsərrüfatı və balıqçılıq – 425,1 manat;
inzibati və yardımçı xidmətlərin göstərilməsi – 423,5 manat;
digər sahələrdə xidmətlərin göstərilməsi – 666,2 manat.
Azərbaycanda minimum əməkhaqqı 250 manatdır.
