Tofiq Yaqublu palataya köçürülüb
Bakıdakı “City Hospital” xəstəxanasına yerləşdirilən məhbus siyasətçi Tofiq Yaqublu sentyabrın 14-də reanimasiya şöbəsindən palataya köçürülüb. Novator.az bildirir ki, siyasətçinin qızı Nigar Həzi özünün “Facebook” səhifəsində belə məlumat yayıb.
Nigar Həzinin yazdığına görə, bu gün Ombudsman Aparatından iki nümayəndə atasına baş çəkib, ancaq yaxınlarının onunla görüşməsi, həmçinin məhbusun öz ailəsi ilə telefonla danışması mümkün olmur.
Vəkil Aqil Layıc sentyabrın 14-də özünün “Facebook” səhifəsində Tofiq Yaqublu ilə görüşə bilmədiyini yazıb: “Saat 11:30-dan “City Hospital”dayam. Görüşə icazə verilmədi”.
Tofiq Yaqublunun digər vəkilləri Elçin Sadıqov və Nemət Kərimlidir. Müraciətlərdən sonra Elçin Sadıqov Tofiq Yaqublu ilə görüşüb. Onun bildirdiyinə görə, yataq rejimində olan siyasətçi çox zəifləyib.
2020-ci il martın 22-də tutulan Tofiq Yaqublu silah qismində istifadə olunan əşyalardan istifadə etməklə xuliqanlıqda günahlandırılır. İttihama əsasən, o, həmin gün öz avtomobili ilə Bakının Nizami rayonunda qaydaları pozub, Elxan Cəbrayılovun idarə etdiyi avtomobillə toqquşmadan sonra mübahisə zəminində ona və yoldaşı Cəvahir Cəbrayılovaya xəsarət yetirib.
Siyasətçi ittihamı qəbul etmir, bildirir ki, Elxan Cəbrayılov qəsdən qəza törədib, sonra dava salıb. Onun sözlərinə görə, hadisənin təxribat olduğunu anladığı üçün maşınının qapısını kilidləyib, şüşəni qaldırıb və polis gəlməyənə kimi yerə düşməyib, heç kimi vurmayıb.
İbtidai istintaqı Nizami Rayon Polis İdarəsi aparıb.
Sentyabrın 3-də Nizami Rayon Məhkəməsində Tofiq Yaqubluya 4 il 3 ay müddətinə azadlıqdan məhrumetmə cəzası kəsilib. Hökmdən apellyasiya şikayəti verilib. Bakı Apellyasiya Məhkəməsinə ünvanlanan şikayətdə Tofiq Yaqubluya bəraət istənir, azadlığa buraxılması tələb edilir.
Tofiq Yaqublu sentyabrın 2-də Bakının Şüvəlan qəsəbəsindəki 3 saylı İstintaq Təcridxanasında bəraət və azadlıq tələbi ilə aclıq aksiyasına başlayıb.
Bakıdakı “City Hospital”da çalışan həkim, tibb elmləri doktoru Adil Qeybulla sentyabrın 11-də Tofiq Yaqubluya baş çəkib, sanitar hissədə məhbusu müayinə edib.
Tofiq Yaqublu sentyabrın 12-si axşam “City Hospital”a köçürülüb.
1961-ci il təvəllüdlü Tofiq Yaqublu milli azadlıq hərəkatının (1988-1991) fəalı, Qarabağ müharibəsi veteranıdır. Əbülfəz Elçibəyin prezidentliyi dövründə (1992-1993) Binəqədi Rayon İcra Hakimiyyəti başçısının birinci müavini vəzifəsində çalışıb. 1992-ci ildən Müsavat Partiyasının üzvüdür. 2010-2018-ci illərdə partiya başqanının müavini postunu tutub.
Demokratik Qüvvələrin Milli Şurasının rəhbərliyində təmsil olunur.
2013-cü il fevralın 4-dən 2016-cı il martın 17-dək həbsdə yatıb.
Tofiq Yaqublu yenə həbsə gedir
Tofiq Yaqublunun məhkəməsi qapalı keçiriləcək
Ev dustaqlığına da yox deyildi
Tofiq Yaqublu nədən narazıdır?
Məhkəmənin Tofiq qərarı dəyişməz qaldı
Həbsin uzadılması: şikayət təmin olunmadı
Tofiq Yaqublu məhkəməni səbirsizliklə gözləyir
Tofiqin mühakiməsi “yox”larla başladı
Tofiq Yaqublu: “Mən əsir götürülmüş şəxsəm”
“Yalan danışıb qapını bağlayırsan, sonra da deyirsən…”
Tofiqin əsgər oğlunun problemi var
Üç vəsatətdən biri təmin olundu
Hökm ərəfəsində: Tofiq aclığa başladı
Tofiq Yaqublu: “Sona qədər gedəcəm”
Professor Tofiqin təhlükədə olduğunu yazır
Tofiq Yaqublunun halı pisləşib, ancaq aksiyanı dayandırmır
Sabir Rüstəmxanlı Tofiq Yaqublu ilə bağlı açıqlama yayıb
Adil Qeybulla Tofiq Yaqubluya baş çəkməsindən danışdı
