2020-ci ilin ilk yarısında Ermənistanda 17136 nəfər ölüb. Novator.az-ın məlumatına görə, ölkənin Statistika Komitəsi bildirir ki, bu, 2019-cu ilin yanvar-iyun ayları ilə müqayisədə 8,5% çoxdur.

Ölənlərin 53,2%-nin qan dövranı sistemi xəstəliklərinin, 18,6%-nin onkoloji xəstəliyin, 4,6%-nin koronavirus infeksiyasının qurbanı olduğu vurğulanır.

Hesabata əsasən, yanvar-iyun aylarında doğum 2019-cu ilin ilk yarısına nəzərən 0,8% artıb.

2020-ci ilin ilk yarısında Azərbaycanda doğum 11,8 faiz azalıb, ölüm halları 6,8 faiz artıb, əhalinin təbii artımı (doğulanlar və daimi yaşamaq üçün gələnlərlə ölənlər və ölkəni tərk edənlərin nisbəti) üzrə 36 faiz geriləmə olub.