139 yoluxma, 1 ölüm
Azərbaycanda daha 139 nəfər koronavirus infeksiyasına yoluxub, 1 xəstə vəfat edib. Nazirlər Kabineti yanında operativ qərargahın 8 sentyabr məlumatında belə deyilir.
Hesabata görə, ümumilikdə 37557 yoluxma qeydə alınıb, 552 nəfər dünyasını dəyişib, 2040 nəfər aktiv xəstədir, qalan şəxslər sağalıb.
2019-cu ilin dekabrında Çində üzə çıxaraq dünyanı bürüyən koronavirus xəstəliyinə Azərbaycanda ilk yoluxma bu il fevralın 28-də rəsmiləşib, martda 5, apreldə 19, mayda 39, iyunda 150, iyulda 235, avqustda 86, sentyabrda 18 nəfər koronavirusun qurbanı olub.
