Qarışqa yükü boyda
Vahid Qazi
Tofiq Yaqublu Qarabağın insan üzüdür! Özü də tək ona görə yox ki, Tofiq Qarabağda vuruşub, qanını axıdıb.
Həm də tale oxşarlıqları var. Biri həbsdə, o biri işğalda.
Səbəbsə eynidir: haqsızlıq, zor, yalan.
Adama elə gəlir ki, susmayıb Tofiqin azadlığına nail olsaq, durmayıb Qarabağı da xilas edəcəyik.
Bunun üçün çox şey lazım deyil, hərənin bir qarışqa yükü boyda payı yetər. Demirəm özümüzdən böyük yük götürək, elə qarışqa yükü boyda da bəsdir. Təki götürək.
Baxın, tanımadığım biri onun bir fotosundan sarı fon üstündə qara siluet portretini düzəldib. Bir suyu inqilabçı Çe Gevaranın sonralar əzəmətli art-posterə çevrilən fotosuna oxşayır.
Mən də bu portretə öz əlavəmi elədim – ”Tofiq Yaqubluya azadlıq” və ”Freedom for Tofig Yaqublu” sözlərini yazdım. Kiminsə qarışqa yükünə öz qarışqa yükümü qoşdum.
Bu, haqq söz üstə haqsız tutulan bir ictimai-siyasi xadimin azad olunması yolunda qarışqa yükü boyda işim oldu. Bir damla da məndən olsun.
10 milyonluq toplumun heç bir milyon demirəm, yüzcə mini haqsızlıq olmasın deyə bir qarışqa yükü boyda pay versə, ölkədə HAQQIN çəkisi 100 min qarışqa yükü boyda olacaq.
Bu ağır yükə heç bir məhkəmə qərarı tab gətirməz!
100 min haqsızlığa susmayanın gücü bu Tofiq Yaqublunu da, o biri Tofiq Yaqubluları da həbsdən azad etməyə çatar.
Şərlənib tutulan insanını azad etməyi bacaran toplum heç vaxt Qarabağın işğalda qalmasına dözməz!
Haqsızlığa susmayanların torpağını heç bir ölkə zəbt edə bilməz!
Tofiq Yaqubludan başlayaq!
Onun azad olunmasına bir qarışqa yükü boyda payımızı verməkdən başlayaq.
Tofiq Yaqublu yenə həbsə gedir
Tofiq Yaqublunun məhkəməsi qapalı keçiriləcək
Ev dustaqlığına da yox deyildi
Tofiq Yaqublu nədən narazıdır?
Məhkəmənin Tofiq qərarı dəyişməz qaldı
Həbsin uzadılması: şikayət təmin olunmadı
Tofiq Yaqublu məhkəməni səbirsizliklə gözləyir
Tofiqin mühakiməsi “yox”larla başladı
Tofiq Yaqublu: “Mən əsir götürülmüş şəxsəm”
“Yalan danışıb qapını bağlayırsan, sonra da deyirsən…”
Tofiqin əsgər oğlunun problemi var
Üç vəsatətdən biri təmin olundu
