Prezident İlham Əliyev “AzerGold” Qapalı Səhmdar Cəmiyyətinin səlahiyyətlərini artıran sərəncam imzalayıb. Novator.az bildirir ki, quruma Azərbaycan ərazisində dəmir filizi yataqlarının öyrənilməsi, tədqiqi, kəşfiyyatı, işlənməsi və idarə olunması həvalə edilib. Yeniliyə görə, 2015-ci il fevralın 11-də yaradılmış “AzerGold” Qapalı Səhmdar Cəmiyyəti yalnız əlvan metal filizi yataqlarına deyil, həmçinin qara metal filizi yataqlarına məsul olur.

Sentyabrın 1-də imzalanan sərəncamla Nazirlər Kabinetinə “Daşkəsən Filizsaflaşdırma” Açıq Səhmdar Cəmiyyətinin iki ay müddətində ləğv edilməsi ilə əlaqədar tədbirlər görmək tapşırılıb.

“AzerGold” Qapalı Səhmdar Cəmiyyətinin səhmləri dövlətə məxsusdur. Qurumun İdarə Heyətinə Zakir Zaur oğlu İbrahimov sədrlik edir.