Yeni hospital açılıb
Avqustun 31-də Fövqəladə Hallar Nazirliyinin Tibb Mərkəzinin koronavirus xəstələrinin müalicəsi üçün nəzərdə tutulan modul tipli növbəti hospitalı açılıb. AZƏRTAC xəbər verir ki, prezident İlham Əliyev hospitalın açılışına video formatında qatılıb.
Ölkədə bu tipli daha 10 tibb ocağı var. Onların üçü Bakıda, qalanları Sumqayıt, Abşeron, Gəncə, Qobustan, İsmayıllı, Şəki və Qəbələdə xidmət göstərir.
2019-cu ilin dekabrında Çində üzə çıxaraq dünyanı bürüyən koronavirus xəstəliyinə Azərbaycanda ilk yoluxma bu il fevralın 28-də qeydə alınıb. Nazirlər Kabineti yanında operativ qərargahın 30 avqust məlumatında yoluxanların sayı 36309 nəfər göstərilib: onların 531-i dünyasını dəyişib, 2075-i aktiv xəstədir.
