Operativ qərargahın 23 avqust məlumatı
Nazirlər Kabineti yanında operativ qərargahın 23 avqust məlumatına görə, Azərbaycanda daha 169 nəfər koronavirus infeksiyasına yoluxub, 3 xəstə vəfat edib.
Yoluxanların ümumi sayı 35274 nəfər göstərilir: onların 518-i dünyasını dəyişib, 1763-ü aktiv xəstədir.
2019-cu ilin dekabr ayında Çində üzə çıxaraq dünyanı bürüyən koronavirus infeksiyası 810 minə yaxın adamın həyatına son qoyub. Azərbaycanda ilk yoluxma fevralın 28-də qeydə alınıb, martda 5, apreldə 19, mayda 39, iyunda 150, iyulda 235, avqustda 70 nəfər xəstəliyin qurbanı olub.
