Nazirlər Kabineti yanında operativ qərargahın 21 avqust məlumatına görə, Azərbaycanda daha 162 nəfər koronavirus infeksiyasına yoluxub, 2 xəstə vəfat edib.
Yoluxanların ümumi sayının 34921 nəfərə çatdığı bildirilir: onların 512-si dünyasını dəyişib, 1727-si müalicə alır, qalanları sağalıb.
2019-cu ilin dekabr ayında Çində üzə çıxaraq dünyanı bürüyən koronavirus infeksiyasına Azərbaycanda ilk yoluxma bu il fevralın 28-də qeydə alınıb, martda 5, apreldə 19, mayda 39, iyunda 150, iyulda 235, avqustda 64 nəfər xəstəliyin qurbanı olub.
