Müsavatın qərargahına müdaxilə
Avqustun 19-na keçən gecə Müsavat Partiyasının Bakıdakı mərkəzi qərargahına müdaxilə olunub. Partiya başqanı Arif Hacılının yaydığı məlumatda dəmir barmaqlıqların kəsildiyi, pəncərə şüşəsinin sındırıldığı, 2 kondisionerin oğurlandığı bildirilir.
Polisə müraciət olunub, qərargahda əməliyyat tədbirləri aparılır.
Novator.az bildirir ki, Müsavatın mərkəzi qərargahı paytaxtın Binəqədi rayonunun Dərnəgül qəsəbəsindəki 3097-ci məhəllədə, 2 saylı Evtikmə Kombinatının binasında yerləşir.
Müsavat Partiyası 1911-ci ildə yaradılıb. Partiyanın ilk başqanı Məhəmməd Əmin Rəsulzadə, ikinci başqanı Mirzə Bala Məmmədzadə, üçüncü başqanı Kərim Odər, dördüncü başqanı Məhəmməd Azər Aran, beşinci başqanı İsa Qəmbər olub.
2014-cü ildən partiyaya Arif Hacılı başqanlıq edir.
