133 yoluxma, 1 ölüm
Azərbaycanda daha 133 nəfər koronavirus infeksiyasına yoluxub, 1 xəstə vəfat edib. Avqustun 18-də belə məlumat yayan Nazirlər Kabineti yanında operativ qərargah yoluxanların ümumi sayını 34474 nəfər göstərir: onların 509-u dünyasını dəyişib, 1764-ü aktiv xəstədir.
2019-cu ilin dekabr ayında Çində üzə çıxaraq dünyanı bürüyən koronavirus infeksiyası 779 minə yaxın adamın həyatına son qoyub. Azərbaycanda ilk yoluxma bu il fevralın 28-də qeydə alınıb, martda 5, apreldə 19, mayda 39, iyunda 150, iyulda 235, avqustda 61 nəfər ölüb.
