Operativ qərargahın 17 avqust məlumatı
Nazirlər Kabineti yanında operativ qərargahın 17 avqust məlumatına görə, Azərbaycanda daha 124 nəfər koronavirus infeksiyasına yoluxub, 2 xəstə vəfat edib.
Yoluxanların ümumi sayı 34343 nəfər göstərilir: onların 508-i dünyasını dəyişib, 1793-ü aktiv xəstədir.
2019-cu ilin dekabr ayında Çində üzə çıxaraq dünyanı bürüyən koronavirus infeksiyası 775 minə yaxın adamın həyatına son qoyub. Azərbaycanda ilk yoluxma bu il fevralın 28-də qeydə alınıb, martda 5, apreldə 19, mayda 39, iyunda 150, iyulda 235, avqustda 60 nəfər ölüb.
