Mərkəzi Bankın məzənnə hesabatındakı xarici valyutalar arasında ən bahalısı Küveyt dinarıdır. Novator.az-ın məlumatına görə, avqustun 14-də dinar banklara 5,5576 manata satılır.

İngiltərə funt sterlinqi yüksək məzənnələrin ikincisidir: 2,2201 manat.

İlk üçlüyü 2,0083 manatla avro qapayır.

İsveçrə frankının rəsmi məzənnəsi 1,8678 manatdır, ABŞ dollarına 1,7 manat qiymət qoyulub.

Kanada dolları 1,2856, Sinqapur dolları 1,2384, Avstraliya dolları 1,2151, Yeni Zelandiya dolları 1,1112 manata təklif olunur.

2015-ci il fevralın 21-də və dekabrın 21-də rəsmiləşən iki devalvasiya ilə dolların kursu 0,7844 manatdan 1,5594 manata yüksəlib.

2016-cı ildə rəsmi qiymət 1,7707 manata çatıb.

2017-ci ilin fevralında maksimal qiymət qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən 1,7 manat nöqtəsindədir.

Avro 2020-ci ilə 1,9025 manatla başlayıb, yanvarın 8-dən martın 6-dək, martın 16-da, martın 18-dən iyunun 3-dək 1 manat 90 qəpikdən ucuz satılıb.

Dövlət Neft Fondu Mərkəzi Bankın 2020-ci ilin yanvar-iyul aylarında keçirdiyi valyuta hərraclarında 4 milyard 525,7 milyon ABŞ dolları məbləğində vəsait satıb.

2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.

Mərkəzi Bankın rəsmi hesabatına görə, avqustun 1-nə valyuta ehtiyatının həcmi 6 milyard 468,7 milyon dollar olub.