Yeni nağıl qəhrəmanı: müsabiqə elan olunub
“Şərq-Qərb” nəşriyyatı uşaqların kitaba marağını artırmaq, mütaliə həvəsini gücləndirmək məqsədilə rəssam və animatorlar arasında müsabiqə elan edib. Yeni nağıl qəhrəmanı – müasir simvolik personaj müsabiqəsinin şərtlərinə görə, qəhrəman orijinal olmalı, başqa məşhur nağıl qəhrəmanlarına, obrazlara bənzəməməli; sevilməli, ilk baxışdan uşaqlarda maraq doğurmalı, müsbət emosiyalar yaratmalı; bundan sonra yaradılacaq əsərlərdə, nağıllarda, ssenarilərdə, filmlərdə, animasiya filmlərində, televiziya verilişlərində və sosial şəbəkələrdə əsas obraz kimi çıxış etmək üçün yararlı və universal olmalı, üçüncü şəxsin əqli mülkiyyət hüququnu pozmamalıdır.
Təqdim edilən əsərləri incəsənət xadimlərindən ibarət münsiflər heyəti dəyərləndirib 3 yer üzrə mükafatlandıracaq:
1-ci yer: 3000 manat (1 nəfər)
2-ci yer: 1000 manat (2 nəfər)
3-cü yer: 500 manat (3 nəfər).
Əsərlər elektron formatda [email protected] ünvanına və ya kağız şəklində Bakı, Aşıq Ələsgər, 17, “Şərq-Qərb” ASC ünvanına göndərilməlidir.
Müəllif haqqında qısa məlumat (ad, soyad, atasının adı, ünvan və əlaqə nömrələri) əlavə edilməsi tələb olunur.
Əsərlərin qəbulu avqustun 15-dən oktyabrın 15-nə qədər davam edəcək, müsabiqənin nəticəsi noyabrın 16-da elan olunacaq.
