Karantinlə bağlı yeni qərar
Koronavirus infeksiyasını cilovlamaq üçün tətbiq edilən karantin rejiminə məsul olan Nazirlər Kabineti Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Salyan, Xaçmaz, Goranboy, Göygöl rayonlarının ərazisində yumşalmaya qərar verib. Avqustun 10-dan fəaliyyətinə icazə verilən sahələrin siyahısına bunlar əlavə edilir:
– açıq havada idman yarışlarının və oyunlarının keçirilməsi;
– qeyri-ərzaq mallarının satışını həyata keçirən ticarət obyektlərinin və əhaliyə məişət xidmətləri göstərən obyektlərin (iri ticarət mərkəzləri istisna olmaqla) fəaliyyəti;
– maşın və avadanlıqların istehsalı;
– elektrik avadanlıqlarının istehsalı;
– kompüter, elektron və optik məhsulların istehsalı;
– avtomobil, qoşqu və yarımqoşquların istehsalı;
– sair nəqliyyat vasitələrinin istehsalı;
– poliqrafiya məhsullarının istehsalı;
– zərgərlik məmulatlarının istehsalı;
– musiqi alətləri, idman mallarının istehsalı;
– geyim istehsalı;
– toxuculuq sənayesi;
– ayaqqabıların istehsalı;
– dəri və dəri məmulatlarının istehsalı;
– tütün məmulatlarının istehsalı;
– sair sənaye məhsullarının istehsalı.
Bu sahələr üzrə işə cəlb olunan işçilərin sayına tətbiq edilən 50 faizlik və həmin iş və xidmət sahələri üzrə mülki-hüquqi müqavilə ilə işləyənlərə verilən icazələrin sayının əmək müqaviləsi ilə işləyənlərin ümumi sayının 30 faizindən çox olmaması ilə bağlı məhdudiyyətlər ləğv edilir:
– gündəlik baxım və gigiyena vasitələrinin istehsalı;
– tikinti və məişət avadanlıqlarının istehsalı və təmiri;
– mühəndislik və layihələndirmə xidmətləri;
– qablaşdırma məhsullarının istehsalı;
– daş, metal və taxta məhsullarının istehsalı;
– mebel istehsalı və təmiri;
– zoomağazalar, o cümlədən heyvanlar üçün yem satışı məntəqələri;
– tikinti materiallarının və məişət xırdavatlarının satışı məntəqələri;
– onlayn satışlar;
– kimyəvi təmizləmə;
– mənzillər istisna olmaqla yaşayış binalarının təmizlənməsi;
– avtomobillərin təmiri;
– avtomobil yuyulma məntəqələri;
– heyvan sığınacaqları;
– tərcümə xidmətləri.
Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Salyan, Xaçmaz, Goranboy, Göygöl rayonlarının ərazisinə bu şəxslərin giriş-çıxış məsələsi belə həyata keçirilir:
– yaxın qohumunun dəfnində iştirak etmək istəyən şəxslər Daxili İşlər Nazirliyinin 102 xidməti – zəng mərkəzi vasitəsilə alınan icazə əsasında;
– təxirəsalınmaz tibbi zərurətlə və ya qrafik üzrə müalicə almaqla əlaqədar həkim arayışı əsasında;
– beynəlxalq və ölkədaxili uçuşlara müvafiq reys üçün bileti olan şəxslər biletləri əsasında, dövlət sərhədindən müvafiq qaydada ölkəyə daxil olan şəxslərin yaşadıqları və ya olduqları yerə gəlməsinə isə onların pasportuna vurulmuş ştamp əsasında.
2019-cu ilin dekabrında Çində üzə çıxaraq dünyanı bürüyən koronavirus xəstəliyinə Azərbaycanda ilk yoluxma bu il fevralın 28-də qeydə alınıb.
Avqustun 7-nə olan rəsmi məlumatda yoluxanların ümumi sayı 33376 nəfər göstərilib: onların 483-ü dünyasını dəyişib, 3197-si aktiv xəstədir.
Avqustun 31-dək ölkə üzrə dövlət orqanlarında vətəndaşların yerində qəbuluna; kütləvi tədbirlərin, toy, nişan və bu kimi şənlik məclislərinin təşkilinə; əyləncə məkanlarının, kinoteatrların, teatrların, idman zallarının fəaliyyətinə; dəfn istisna olmaqla yas mərasimlərinin təşkilinə; təhsil müəssisələrində tədris və təlim-tərbiyə prosesinə qadağa var.
Sərt rejimin tətbiq olunduğu Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərində və Abşeron, Bərdə, Salyan, Xaçmaz, Goranboy, Göygöl rayonlarında iri ticarət mərkəzləri və ictimai iaşə obyektləri işləmir.
Hökumət təhsil müəssisələrini bir həftəliyə bağladı
Novruz şənlikləri ləğv olundu. Toy və yas tövsiyəsi
Azərbaycanda ilk itki, yeni məhdudiyyətlər
Operativ qərargahdan məhdudiyyətlər
Bakı, Sumqayıt şəhərləri, Abşeron rayonu qapadılır
Ölkədə 15 günlük yeni məhdudiyyətlər tətbiq olundu
Karantini yumşaltmaq qərarı verildi
Karantin uzadıldı, şərtlər yeniləndi
Yeni qərar: karantin necə yumşaldılır?
Koronavirus: karantin yenilikləri, rəsmi hesabat
Yoluxma və itki artır, qadağalar gəlir
Operativ qərargah yeni qərar qəbul edib
Karantin uzadılır, yenə yasaqlar gəlir
İcazəni tək SMS-lə deyil, “E-Təbib”lə də almaq mümkün olacaq
Cərimə artımları qüvvəyə mindi
