Qalan karantin
Avqustun 5-də Nazirlər Kabinetinin koronavirus infeksiyasını cilovlamaq üçün tətbiq olunan xüsusi karantin rejimi üzrə yeni qərarı qüvvəyə minib. Novator.az bildirir ki, yeniliklərə görə, sərt rejimin qüvvədə olduğu Bakı, Cəlilabad, Gəncə, Masallı, Mingəçevir, Sumqayıt, Yevlax şəhərləri və Abşeron, Bərdə, Goranboy, Göygöl, Xaçmaz, Salyan rayonlarında şəxslərin evdən icazə ilə çıxmaq sistemi ləğv edilib, ölkədə çimərliklər açılıb.
Avqustun 31-dək ölkəyə, sərt karantin rejiminin tətbiq olunduğu şəhər və rayonlara giriş-çıxış yasaqdır.
Ölkə üzrə dövlət orqanlarında vətəndaşların yerində qəbuluna; kütləvi tədbirlərin, toy, nişan və bu kimi şənlik məclislərinin təşkilinə; əyləncə məkanlarının, kinoteatrların, teatrların, idman zallarının fəaliyyətinə; dəfn istisna olmaqla yas mərasimlərinin təşkilinə; təhsil müəssisələrində tədris və təlim-tərbiyə prosesinə qadağa qalır.
Sərt rejimin tətbiq olunduğu yerlərdə iri ticarət mərkəzləri və ictimai iaşə obyektləri işləmir.
Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Salyan, Xaçmaz, Goranboy, Göygöl rayonlarının ərazisinə giriş-çıxış bir çox qrup üçün xidməti vəsiqələr əsasında mümkündür:
– Prezident Administrasiyasının, Prezidentin İşlər İdarəsinin, Xüsusi Tibb Xidmətinin, Nazirlər Kabineti Aparatının və Nazirlər Kabinetinin İşlər İdarəsinin əməkdaşları ezamiyyə vərəqələri olduğu halda;
– Milli Məclisin deputatları və ezamiyyə vərəqələri olduğu halda Milli Məclisin Aparatının əməkdaşları;
– mərkəzi və yerli icra hakimiyyəti orqanlarının rəhbərləri və ezamiyyə vərəqələri olduğu halda onların müavinləri;
– dövlətə məxsus olan hüquqi şəxslərin, o cümlədən dövlət adından yaradılan publik hüquqi şəxslərin rəhbərləri və ezamiyyə vərəqələri olduğu halda onların müavinləri;
– hüquq mühafizə, məhkəmə və hərbi xidmət nəzərdə tutulmuş orqanların əməkdaşları, vəkillər ezamiyyə vərəqələri olduğu halda;
– Azərbaycan Respublikasında akkreditasiya olunmuş diplomatik nümayəndəliklərin və beynəlxalq təşkilatların əməkdaşları və onların yerli heyəti (Xarici İşlər Nazirliyi tərəfindən verilmiş akkreditasiya kartları əsasında).
2019-cu ilin dekabrında Çində üzə çıxaraq dünyanı bürüyən koronavirus xəstəliyinə Azərbaycanda ilk yoluxma bu il fevralın 28-də qeydə alınıb.
Avqustun 4-nə olan rəsmi məlumatda yoluxanların ümumi sayı 32910 nəfər göstərilib: onların 473-ü dünyasını dəyişib, 4089-u aktiv xəstədir.
Hökumət təhsil müəssisələrini bir həftəliyə bağladı
Novruz şənlikləri ləğv olundu. Toy və yas tövsiyəsi
Azərbaycanda ilk itki, yeni məhdudiyyətlər
Operativ qərargahdan məhdudiyyətlər
Bakı, Sumqayıt şəhərləri, Abşeron rayonu qapadılır
Ölkədə 15 günlük yeni məhdudiyyətlər tətbiq olundu
Karantini yumşaltmaq qərarı verildi
Karantin uzadıldı, şərtlər yeniləndi
Yeni qərar: karantin necə yumşaldılır?
Koronavirus: karantin yenilikləri, rəsmi hesabat
Yoluxma və itki artır, qadağalar gəlir
Operativ qərargah yeni qərar qəbul edib
Karantin uzadılır, yenə yasaqlar gəlir
İcazəni tək SMS-lə deyil, “E-Təbib”lə də almaq mümkün olacaq
Cərimə artımları qüvvəyə mindi
