Operativ qərargahdan
Azərbaycanda daha 193 nəfər koronavirus infeksiyasına yoluxub, 492 nəfər sağalaraq xəstəxanadan buraxılıb, 3 xəstə vəfat edib. Avqustun 5-də belə məlumat yayan Nazirlər Kabineti yanında operativ qərargah yoluxanların ümumi sayını 33103 nəfər göstərir: onların 28840-ı müalicə olunaraq sağalıb, 476-sı dünyasını dəyişib, 3787-si aktiv xəstədir.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 705 mindən çox adamın ölümünə gətirib.
Azərbaycanda ilk yoluxma fevralın 28-də, ilk ölüm martın 12-də qeydə alınıb. Martda 5, apreldə 19, mayda 39, iyunda 150, iyulda 235, avqustda 28 nəfər koronavirusun qurbanı olub.
