Azərbaycanda daha 279 nəfər koronavirus infeksiyasına yoluxub, 6 xəstə vəfat edib. Avqustun 1-də belə xəbər yayan Nazirlər Kabineti yanında operativ qərargah yoluxanların ümumi sayını 32157 nəfər göstərir: onların 454-ü dünyasını dəyişib, 5229-u müalicə olunur.
2019-cu ilin dekabrında Çində üzə çıxaraq dünyanı bürüyən koronavirus xəstəliyinə Azərbaycanda ilk yoluxma bu il fevralın 28-də qeydə alınıb. Martda 5, apreldə 19, mayda 39, iyunda 150, iyulda 235 xəstə ölüb.
