Operativ qərargahın 28 iyul məlumatı
Nazirlər Kabineti yanında operativ qərargahın 28 iyul məlumatına görə, Azərbaycanda daha 412 nəfər koronavirus infeksiyasına yoluxub, 7 xəstə vəfat edib.
Yoluxanların ümumi sayı 30 min 858 nəfər göstərilir: onların 23 min 873-ü müalicə olunaraq sağalıb, 430-u dünyasını dəyişib, 6555-i aktiv xəstədir.
2019-cu ilin dekabrında Çində üzə çıxaraq dünyanı bürüyən koronavirus xəstəliyinə Azərbaycanda ilk yoluxma fevralın 28-də qeydə alınıb. Həmin ay ümumilikdə 3 yoluxma ilə bitib.
Martın 12-si ilk ölüm barədə məlumat verilib. Ayın sonunda ümumilikdə 298 nəfərin koronavirus infeksiyasına yoluxduğu, 5 nəfərin vəfat etdiyi açıqlanıb.
Aprel 1804 yoluxma, 24 ölüm, may 5494 yoluxma, 63 itki, iyun 17524 yoluxma, 213 itki ilə yekunlaşıb.
Martda 5, apreldə 19, mayda 39, iyunda 150, iyulda 217 nəfər koronavirusun qurbanı olub.
